Gujarati rudhiprayog std. 7 sem 2
Gujarati texbook sem 2 std. 7 rudhiprayog with meaning and sentence
રૂઢિપ્રયોગ: અર્થ અને વાકય સાથે, ધો. 7 ગુજરાતી સત્ર – 2
નમસ્કાર, બાળમિત્રો,
અહીં ધો.૭ વિષય – ગુજરતી બીજા સત્રના પાઠ્યપુસ્તકમાં આવેલા તમામ રૂઢિપ્રયોગ, તેના અર્થ સાથે આપેલાં છે. અહીં તેનો તમામનો વાક્યમાં પ્રયોગ પણ આપેલો છો. આ ઉદાહરણ રૂપે આપેલા વાક્ય પ્રયોગ આધારે આપ પણ એના જેવું બીજું વાક્ય બનાવો જેમાં રૂઢિપ્રયોગનો સમાવેશ થઈ જતો હોય.
Gujarati rudhiprayog std. 7 sem 2
સંકલન – https://edumaterial.in/
શિક્ષક મિત્રો,
સરકારશ્રીના અધ્યયન નિષ્પત્તિમાં પણ આ મુદ્દાનો સમાવેશ થઈ જાય છે. માટે વિદ્યાર્થીઓ માટે ઘણું ઉપયોગી સાબિત થઇ શકે એમ છે. નીચે PDF download માટે મુકેલી છે.
રૂઢિપ્રયોગનો અર્થ આપી વાક્યમાં પ્રયોગ કરો…
Gujarati rudhiprayog std. 7 sem 2
૧. રૂઢિપ્રયોગ – ખૂંટો બેસાડવો
અર્થ – પાયો નાખવો.
વાક્ય – અંગ્રેજોએ સુરતમાં પોતાની સત્તાનો ખૂંટો બેસાડ્યો.
વાક્ય – ……………………………………
૨. રૂઢિપ્રયોગ – પાકે પાયે કરવું
અર્થ – નક્કી કરવું
વાક્ય – લેખકે બૂટ લેવાનું દુદા મામા પાસે પાકે પાયે કરી લીધું.
વાક્ય – ……………………………………
૩. રૂઢિપ્રયોગ – રૂંવાડા બેઠાં થવાં
અર્થ – બીક, હરખ કે આશ્ચર્યના કારણે શરીર પરના વાળ ઊભા થવા.
વાક્ય – સિંહ અને મગરનું યુદ્ધ જોઈ અને ગામ લોકોના રૂંવાડા બેઠાં થઈ ગયાં હતાં.
વાક્ય – ……………………………………
૪. રૂઢિપ્રયોગ – ખાતર પડવું
અર્થ – ચોરી થવી.
વાક્ય – અમારા વિસ્તારમાં આજે ખાતર પાડવા ચોર આવ્યા હતા.
વાક્ય – ……………………………………
૫. રૂઢિપ્રયોગ – સંચળ થવો.
અર્થ – અવાજ થવો.
વાક્ય – રાતની શાંતિમાં કંઇક સંચળ થતાં દાદા ઉઠી ગયા.
વાક્ય – ……………………………………
૬. રૂઢિપ્રયોગ – કારી ન ફાવી
અર્થ – યુક્તિ સફળ ન થવી.
વાક્ય – સિંહની પકડ એવી હતી કે મગરની બચવાની કોઈ કારી ન ફાવી.
વાક્ય – ……………………………………
૭. રૂઢિપ્રયોગ – જીવ સટોસટનો જંગ ખેલવો.
અર્થ – જીવન મરણની લડાઈ કરવી.
વાક્ય – સરહદ પર સૈનિકો દુશ્મનો સામે જીવ સટોસટનો જંગ ખેલી રહ્યા હતા.
વાક્ય – ……………………………………
૮. રૂઢિપ્રયોગ – જાનની બાજી લગાવવી
અર્થ – જાન જોખમમાં મૂકીને કામ કરવું.
વાક્ય – મોતી મેળવવા મરજીવા દરિયામાં જાનની બાજી લગાવી દે છે.
વાક્ય – ……………………………………
૯. રૂઢિપ્રયોગ – લક્ષ્મીની છોળો ઉછળવી
અર્થ – પુષ્કળ પ્રમાણમાં ધન હોવું.
વાક્ય – નગર શેઠને ત્યાં લક્ષ્મીની છોળો ઉછળતી હતી.
વાક્ય – ……………………………………
૧૦. રૂઢિપ્રયોગ – ઝીણા જીવના હોવું.
અર્થ – કરકસરિયા હોવું.
વાક્ય – સારી આવક હોવા છતાં મારા મિત્રના પિતા ઝીણા જીવના હતા.
વાક્ય – ……………………………………
૧૧. રૂઢિપ્રયોગ – વાતમાં મર્મ હોવો.
અર્થ – વાતમાં રહસ્ય હોવું.
વાક્ય – શેઠની વાતનો મર્મ કોઈ સમજી શક્યું નહિ.
વાક્ય – ……………………………………
૧૨. રૂઢિપ્રયોગ – કણ માંથી મણ થવું.
અર્થ – થોડાં માંથી વધારે થવું.
વાક્ય – દીકરો નોકરીએ લાગ્યો છે એટલે હવે કણ માંથી મણ થતાં વાર નહિ લાગે.
વાક્ય – ……………………………………
૧૩. રૂઢિપ્રયોગ – વાત માંડીને કહેવી.
અર્થ – વાત વિગતવાર કહેવી.
વાક્ય – ફિલ્મ જોઈ આવેલા મિત્રોએ ફિલ્મની વાત માંડીને કહી.
વાક્ય – ……………………………………
૧૪. રૂઢિપ્રયોગ – જીવ પરોવી દેવો.
અર્થ – એક ચિત્ત થઈ જવું.
વાક્ય – પરીક્ષા આવતી હોવાથી વિદ્યાર્થીઓએ ભણવામાં જીવ પરોવી દીધો.
વાક્ય – ……………………………………
૧૫. રૂઢિપ્રયોગ – આઘાત છવાઈ જવો.
અર્થ – દુઃખની તીવ્ર લાગણી થવી.
વાક્ય – બે હજારની નોટનું બંડલ ઉંદર કાતરી જવાથી ઘરમાં આઘાત છવાઈ ગયો.
વાક્ય – ……………………………………
૧૬. રૂઢિપ્રયોગ – વેતરણમાં પડવું.
અર્થ – જોઈતી ગોઠવણ કરવી.
વાક્ય – જાનને જમાડવા સૌ વેતરણમાં પડી ગયા.
વાક્ય – ……………………………………
૧૭. રૂઢિપ્રયોગ – દુકાળમાં અધિકમાસ.
અર્થ – ખરાબ વખતમાં વળી વધારો થવો.
વાક્ય – ઘરની લોનમાં અડધો પગાર કપાઈ જાય એમાં પગાર મોડો થતાં જાણે દુકાળમાં અધિકમાસ જેવું લાગ્યું.
વાક્ય – ……………………………………
૧૮. રૂઢિપ્રયોગ – જનસેવામાં જ પ્રભુસેવા.
અર્થ – માનવની સેવા એ જ સાચી પ્રભુ ભક્તિ.
વાક્ય – પૂ. મોટાએ જનસેવામાં જ પ્રભુસેવા જાણી હતી.
વાક્ય – ……………………………………
૧૯. રૂઢિપ્રયોગ – ઝાઝા હાથ રળિયામણા
અર્થ – સંપ અને સહકારથી થતાં કામમાં ધરી સફળતા મળે છે.
વાક્ય – ખેતરના કામમાં તો ઝાઝા હાથ રળિયામણા.
વાક્ય – ……………………………………
૨૦. રૂઢિપ્રયોગ – નસીબ આડેનું પાંદડું ફરવું.
અર્થ – માઠા દિવસો દૂર થવા, સારો સમય શરૂ થવો.
વાક્ય – વેપાર સારો ચાલવાથી નસીબ આડેનું પાંદડું ફરી ગયું.
વાક્ય – ……………………………………
૨૧. રૂઢિપ્રયોગ – દૂધમાં સાકરની જેમ ભળી જવું.
અર્થ – સારી પેઠે હળીભળી જવું.
વાક્ય – ભારતમાં અન્ય ધર્મો દૂધમાં સાકરની જેમ ભળી ગયા.
વાક્ય – ……………………………………
૨૨. રૂઢિપ્રયોગ – જીવ રેડી દેવો.
અર્થ – મન પરોવીને કામ કરવું.
વાક્ય – પિતાનું સપનું સાકાર કરવા દીકરીએ જીવ રેડી દીધો.
વાક્ય – ……………………………………
૨૩. રૂઢિપ્રયોગ – રાજીના રેડ થઈ જવું.
અર્થ – ખૂબ જ પ્રસન્ન થઈ જવું.
વાક્ય – નિબંધ લેખનમાં જિલ્લા કક્ષાએ પ્રથમ આવતા વિદ્યાર્થી રાજીના રેડ થઈ ગયા.
વાક્ય – ……………………………………
૨૪. રૂઢિપ્રયોગ – હળવાફૂલ થઈ જવું.
અર્થ – હળવાશ અનુભવી.
વાક્ય – પરીક્ષા પૂરી થઈ જવાથી વિદ્યાર્થીઓ હળવાફૂલ થઈ ગયા.
વાક્ય – ……………………………………
૨૫. રૂઢિપ્રયોગ – ગળગળા થઈ જવું.
અર્થ – લાગણીથી હૈયું ભરાઈ જવું.
વાક્ય – ઘણાં વર્ષે બે મિત્રો મળવાથી ગળગળા થઈ ગયા.
વાક્ય – ……………………………………
સંકલન – https://edumaterial.in/
PDF download 👇
Gujarati rudhiprayog std. 7 sem 2
આ અને આવું અન્ય શૈક્ષણિક સાહિત્ય. બાળ ઉપયોગી, અભ્યાસ સામગ્રી મેળવવા અમારી વેબસાઇટ પર મુલાકાત લેતા રહો.
સંકલન – https://edumaterial.in/
